مرات ابويا

مرات ابويا عشان بتغير من مراتي عملت اكتر شئ يغضب ربنا

وقبل ما نبدأ حكايتنا اعرفكم على بطلنا اللي اسمه حمزه عنده 30 سنة وعايش مع ابوه وفي حمزة كان خارج مع خطيبتة وقال لها

والله يا ليلي انا حال بابا ده مش عجبني خالص مش عارف ماله علطول قاعد لوحده مش بيتكلم مع حد انا قلقان عليه اوي

ليلى

بس ياحمزة عمو كمال راجل ناضج وعارف كويس هو بيعمل ايه انتي ايه بقا اللي قلقك من ناحيتة مش فاهمة

حمزة

انا قلقان لتكون الوحده اللي هو فيها دي مأثرة على نفسيتة ولا حاجة انا بجد مش عارف اعمله ايه

ليلى

ليه هو مش بيخرج من البيـ،ـت وبيروح شركتة وكده ولا هو قاعد في البيـ،ـت ولا ايه

حمزة

لا ياستي بيخرج وبيروح وبيجي بس دايما كان يقولي انا عايز اقعد لوحدي ومش عايز حد يدخل عليا وكلام من ده وبعدين مبقاش يروح الشركة كتير عشان بقا بيقولي انه بيتعب علطول

ليلى

امممم والله انا شايفه انه طبيعي ان الانسان يبقا عايز يبقا لوحده هو لو خرج كل يوم وراح وجه اكيد مش هيحس بملل

حمزة

عندك حق ربنا يهديه بس ويروح حتى النادي مع أصحابه ده حتى عمو سمير لما بيطلبه عشان يقعد شوية مش بيرضي يروح

ليلى

يمكن من ساعت لما طنط راحت الله وهو ده اللي مأثر فيه

حمزة

يمكن المهم خلينا فينا ياحبيبتي انا هاخدك بكرة عشان نروح نشوف او.ضتة النـ،ـوم الجديدة بتاعتنا

ليلى

طيب انا واثقه في زوقك ياحمزة عايزني اجي ليه بقا

حمزة

ايه اللي تيجي لازم تيجي يا ليلي عشان ده العفش بتاعك ياحبيبتي طيب افرضي في حاجة مش عجبتك اعمل انا ايه بقا

ليلى

ماهو انا قولت لك بقا انا واثقه في زوقك ياحبيبي

وبعدها رجع حمزه على البيـ،ـت ولاقي ابوه بيتكلم في التليفون وبيقول

طيب خلاص انا لازم اشوفك بقا عشان بجد نفسي نتقابل وكمان عشان اجي اتقدم لك يعني عايز اجي البيـ،ـت من بابه طيب انا هقفل دلوقتي هبقا اكلمك تاني يلا باي

دخل حمزه وقاله

ايه يابابا انت كنت بتكلم مين ياحاج

كمال

حاج في عينك انا لسه شباب ياواد انت

حمزة

ما أنا عارفك طبعا يابابا انك شباب وشباب عني كمان بس كنت بتكلم مين ياخلبوص انت

كمال

الصراحة ياحمزة انا لقيت نفسي لوحدي وبعدين انت كمان هتتجوز وهتنشغل بمراتك فانا قولت اشوف نفسي بقا انا كمان

حمزة

تشوف نفسك يعني تعمل ايه يابابا بقاااا

كمال

انا هتجوز ياحمزة يعني انا عرفت واحده كده وهاروح اتقدم لها واتجوزها

حمزة

انت عايز تتجوز يابابا بعد المرحومة امي ماراحت

كمال

وفيها ايه يعني ياحمزة وبعدين انت قولت اهو انها راحت يعني انا اشوف نفسي بقا ولا ايه ولا انت عايزني افضل عايس بقيت عمري لوحدي انت تتجوز وتتهني وانا افضل لوحدي

حمزة

انا مقولتش كده ياماما بسس….

كمال

من غير بس يا حمزة انا خلاص قررت ومش هرجع في قراري ده انا هتجوز يعني هتجوز ابقي جهز نفسك بقا عشان تيجي معايا نخطبها

حمزة

حاضر يابابا اللي تشوفو بس هي تطلع مين دي بقا ومنين

كمال

دي واحدة عرفتها من عن طريق الفيس بوك ياحمزة و كمان هي عايشة مع امها وهي كانت متجوزة ومطلقه

حمزة

يعني كمان عايز تتجوز واحدة عرفتها عن طريق الفيس بوك طيب ليه وهما بنات الناس قصرو معاك في حاجة

كمال

وهي يعني عشان عرفتها من على الفيس بوك تبقا مش بنت ناس جرا ايه ياولد انت انت هتفتحلي محضر ولا ايه اسمع لما اقولك ياحمزة انا هتجوز اللي انا اختارتها وانت رايك مش مهم عندي اصلا وخليك في نفسك

انت وعروستك

حمزة

ليه يابابا بتقول كده حضرتك امرك يهمني طبعا انا هاروح مع حضرتك واعملك اللي انت عايزة

كمال

اسمع ياحمزة هو مش عشان انا مخليك ماسك كل حاجة الشركة والمصنع وانا قاعد في البيـ،ـت يبقا انا مليش لازمة

الفصل الثاني

حمزة

العفو يابابا ازاى حضرتك تقول على نفسك كده انت الخير والبركة انا اللي انا فيه ده بفضلك انت بعد ربنا مش باي حاجة تانية وانا والله اهم حاجة عندي راحتك وبس

كمال

خلاص ياحمزة يبقا تيجي معايا يوم الخميس الجاي نروح بيـ،ـت سماح ونطلب ايديها من امها

قال كلامة وسابه ومشي وحمزة فضل مضايق وليلى اتصلت عليه وقالت له

اما انا ياحمزة لقيت حتة فستان يجنن انا حجزتة في الاتيليه روحت انا وماما وعجبنا اوي كان نفسي اوريهولك بس ماما قالت لي هيبقا فال وحش

حمزة بحزن

تمام يا حبيبتي مبروك عليكي

ليلى

ايه ده انت مالك صوتك كده هو في حاجة ولا ايه انت متخانق مع عمي ولا ايه

حمزة

ابدا يا ليلي انا بس كنت بتناقش انا وهو في موضوع كده وبعدين زعقنا شوية وخلاص يعني الموضوع انتهى تصوري عايز يتجوز

ليلى

معقولة ياحمزة بس معلش ياحبيبي ومالو هو اصلا من حقة يعني وانت المفروض تفرح له وبلاش تزعله

حمزة

حاضر يا ليلي على العموم احنا الفرح بتاعنا في ميعاده زي ماحنا تمام

ليلى

ماشي يا حبيبي اللي تشوفة

وبعدها جه يوم الخميس وراح حمزه مع ابوه ودخلو منطقه شعبية وحمزة قال

ايه يابابا المكان ده هي عروسة ساكنة هنا

كمال

. ايوه ساكنة هنا واعمل حسابك اننا هنكتب الكتاب وهناخد العروسة على بـ،ـيتنا بشنطة هـ،ـدومها

حمزة

يعني حضرتك متفق على كل حاجة اهو اومال انا كان لازمتي ايه بقا

كمال

اخرس ياولد

وبعدها طلع حمزة وابوه عند سماح وكان خالها وامها قاعدين وهي عماله تتدلع على كمال وخالها قال

ياتلتوميت اهلا وسهلا يابيه ده البت سماح بنت اختي دي حظها من السما عشان وقعها في ناس زيكو ااه والله ربنا يتمم بخير

كمال

متشكر ياسطى محروس

الام

وانت بقا يابيه جيبت شبكة لسماح

سماح

ياماما انا مش مهم عندي الشبكة والكلام الفارغ ده انا مهم عندي اني اتجوز كمال وبس

كمال

ربنا مايحرمني منك ابدا

كل ده وحمزة قاعد زهقان وخالها قالو

وبسلامتة بقا ابنك مش كده

كمال

ايوه ده حمزة ابني اللي ماسك شركتي ومصنعي ده رجل أعمال

محروس

اااه قولت لي لا ماهو باين عليه انه راجل بجد والنضافه باينة عليه اوي ربنا يخلهولك اخويا

كمال

تسلم ياسطى محروس

وبعدها بكام يوم كتبو الكتاب وراحت سماح الفيلا وانبهرت وقالت

يلهوي ياكمال دي فيلتك كبيرة اوي ياخويا ده ايه الحلاوة دي ده حاجة اوبها خالص مشاء الله خمسة وخميسة

في الوقت ده حمزه كان بيكلم ليلى وقال لها

دي واحده بيئة يا ليلي انا مش عارف بابا عجبة فيها ايه دي

ليلى

المهم انها عجباه ياحمزة مش مهم رايك انت وبعدين خليك كويس معاها عشان عمو مايزعلش منك ارجوك اوعي تزعله

حمزة

انا بعمل كل اللي في وسعي عشان أرضية يا ليلي والله

ليلى

معلش ياحبيبي تعالي على نفسك شوية ده باباك برضو

حمزة

انا عارف والله طيب ياحبيبتي انا هقفل دلوقتي عشان عندي شغل يلا مع السلامه

وقفل معاها حمزة وكان في مكتبة ودخلت عليه مرات ابوه سماح وقالت له بدلع

ايه ده انت سهران ليه لحد دلوقتي ياحمزة

حمزة

انا ااا بشتغل هو في حاجة ولا ايه

سماح

لا خالص انا بس لقيتك سهران قولت اجي اشوفك واطمن عليك غلطانة انا يعني ياحمزة

حمزة

احم طيب متشكر واتفضلي بقا روحي نامي لحسن بعدين بابا مليكيش يقلق عليكي

سماح

ياخويا يقلق ايه بس مش لما يحس اني مش موجودة اصلا ده بيشد شد فظيع

ابوك ده

حمزة

يعني ايه الكلام ده وبعدين هو بابا مالة مش فاهم مش انتي اللي واقفتي عليه عشان تتجوزية

سماح

اعمل ايه يعني ياحمزة هو انا كان جالي واحد زي القمر زيك وقولت لا انا قولت اهو راجل والسلام يقدر يحميني من الدنيا والايام ولا ايه

حمزة

بقولك ايه انا مش فاضي للكلام انا طالع انام عندي شغل الصبح وكمان فرحي بعد يومين ولازم اجهز عن اذنك تصبحي على خير

سابها في غيظها وطلع هو وهي قالت لنفسها

ماشي ياحمزة اما وقعت فيا مبقاش انا سماح

وعدت الايام وحمزة اتجوز ليلى وتاني يوم لقت البنت اللي بتشتغل عندهم طالعه بصنية اكل وقالت لها

بت يا سعاد انتي رايحة فين بالأكل ده كله ياختي

سعاد

انا طالعه لسيدي حمزة والست ليلى رايحة اطلع لهم الاكل

سماح

ااه طيب وهما ليه أن شاء الله ماينزلوش ياكلو تحت ولا هو لازم الاكل يطلع لهم لحد فوق سيبي يابت الاكل ده هنا واطلعي نادي لهم ينزلو هنا يلا

سعاد

بس ياست سماح اااا….

سماح

مفيش بس اعملي اللي بقولك عليه وبعدين اسمعي مفيش هنا ست غيري انا انتي سامعة يابت

سعاد

حاضر ياست سماح

وطلعت سعاد وقالت لحمزة على اللي حصل وقال لها

يعني ايه الكلام ده هو انا مش قايل لك الاكل تجبيه هنا عندنا في الاو.ضة يعني اللي انا اقول عليه يمشي

سعاد

اصل الست سماح قالت لي اجي اقولكم الاكل يبقا تحت بس

حمزة

انزلي هاتي الاكل ياسعاد بدال مايكون اخر يوم ليكي النهاردة في البيـ،ـت ده يلا امشي

وجريت سعاد على تحت عشان تنفذ كلامه وليلى قالت له

اهدي ياحمزة متتعصبش كده ياحبيبي

حمزة

ما أنا مش فاهم هي ليه بتتدخل في اللي ملهاش فيه انا لازم اخليها تقف عند حدها بس اصبري

ليلى

احنا مش عايزين مشاكل معاها ياحبيبي خصوصا اني حاسة انها مش ساهلة خالص

حمزة

لو هي مش ساهلة انا أصعب منها يا ليلي وواحدة زي دي انا مش عايزها تمشي كلمتها علينا انتي سامعه

ليلى

حاضر طيب سعاد بتخبط شكلها جابت الاكل

وعند سماح راحت لكمال وقالت له بعصبيه

شايف ياكمال شايف ابنك بيعند معايا ازاى عجبك كده يعني

كمال

ليه بس ياسماح هو عملك ايه حمزة بس

سماح

بقول للبت سعاد تقولهم ينزلو ياكلو تحت راحت تقوله يقولها هاتي الأمل هنا ليكون اخر يوم ليكي هنا وانا اللي قايله لها

كمال

طيب وفيها ايه بس ياسماح هما مش لسه عرسان جداد ماتسبيهم ياكلو في المكان اللي يعجبهم

سماح

يعني كلامهم اللي يمشي عليا ماشي ياكمال وبعدين تعالي هنا هو انت هتفضل كده سايب كل حاجة مالك في ايد ابنك وانت ليه مش بتروح شركتك بقا

كمال

انا من زمان وانا سايب كل حاجة في ايد حمزة ابني وهو اللي بيعرف يمشي الشغل احسن مني بكتير

سماح

ده كان زمان الكلام ده انما دلوقتي بقا لازم تروح شركتك انت فاهم

كمال

سماح بقولك ايه خلينا في حالنا ياحبيبتي انا مش حمل الشغل ده خالص سيبي حمزة هو اللي يتصرف في كل حاجة

سماح

والله يعني برضو هتسيبه يعمل ما بدالة وحضرتك بقا ملكش لازمة لا ياكمال انا عايزاك تنزل شركتك انا خاېفه عليك ياحبيبي ليكون ابنك بيخنصر من وراك كده ولا كده

كمال

حاضر ياحبيبتي هبقا اشوف الموضوع ده سبيني بقا اشرب قهوتي دلوقتي في مزاج انا بحب اشربها في هدوء

بصت له بغيظ وسابته ومشيت ووقفت قدام باب او.ضتة حمزة وسمعاهم وهما بيضحكو وبيهزرو مع بعض وقالت لنفسها

بقا ده اسمه كلام بقا ناس لها حمزة وناس ليها كمال يادي الحظ المنيل بقا انتي ياسماح تقعي في الراجل الكهنة ده والبت المعصعصة

دي تقع في حمزة القمر ده حظوظ والله فعلا

وعدت الايام والشهور وسماح بتحاول انها تعمل مشاكل مع ليلى اللي بتتجنبها ومره قالت لها

انا مش عارفه انتي ليه مش بتهتمي بنفسك يا ليلي عشان جوزك ميبصش برة أصله حليوه وشايف نفسه

ليلى

ليه ياسماح هو انتي شيفاني يعني مبهدلة في نفسي ومش مهتمية بنفسي ولا ايه وبعدين كده ولا كده انا حمزة بيحبني زي ما انا كده فريحي نفسك ووفري النصايح دي لنفسك

سماح

طيب انا غلطانة ان قلبي عليكي على العموم انا خاېفه لواحده ټخطفة منك

قالت لها الكلام ده وسابتها ومشيت وكل يوم كمال ينام ويسيب سماح تاكل في نفسها وفي يوم ليلى تعبت وحمزة قال لها

انا هجيب لك الدكتور هنا يشوف مالك يا حبيبتي انتي شكلك مش عجبني خالص علطول دايخة وبترجعي

ليلى

ملوش لازوم ياحمزة ده اكيد شوية برد ولا حاجة متقلقش ياحبيبي انت بس

حمزة

لا طبعا اقلق انا هكلم الدكتور

وفعلا اتصل بالدكتور وجه وقاله

الف مبروك ياحمزة بيه المدام حامل في شهرين

حمزة بفرحة

بجد يادكتور الله يبارك انا متشكر اوي

كمال بفرحة

الف مبروك ياحمزة ياحبيبي اخيرا انا هبقا جد انا مش مصدق نفسي

كل ده وسماح وقفة متغاظة وقالت له

مبروك ياحمزة يارب بس يطلع ولد ويبقا شبهك

في اللحظة دي حمزة بص لها بقرف ودخل لليلى وقال لها

الف مبروك ياحبيبتي انا فرحان اوي يا ليلي متتصوريش انا فرحان اد ايه

ليلى

انا كمان ياحمزة فرحانة اوي بس انا نفسي في ولد يبقا شبهك

حمزه

انا بقا نفسي في بنت تبقا شبهك بالظبط كده عشان انا مش هقبل ببنوتة شبهك يا لولو

ليلى

ربنا يخليك ليا ياحبيبي ولا يحرمني منك ابدا ابدا

وبعدها بكام يوم سماح رجعت من برة وقالت لكمال

انا عندي ليك خبر هيفرحك اوي يا كمال

كمال

خير ياموحة خبر ايه ياحبيبتي قولي بسرعه

سماح

انا حامل ياحبيبي حامل في تلات شهور وانا مكنتش اعرف تصور دي يعني مش مرات ابنك بس هي اللي بتحمل

كمال بفرحة

بجد ياسماح الله ده احلى خبر سمعتة في حياتي ياحمزة ياحمزه

حمزة جه بسرعة وقاله

في ايه يا بابا مالك بتنادي عليا كده ايه اللي حصل

كمال

بارك لسماح ياحمزة طلعت حامل هي كمان يابني يعني هيبقا ليك اخ انا عايزك بقا ياحمزة تاخد بالك منه

حمزة

سماح حامل حامل من مين ااا اقصد حامل ازاى يعني

سماح

ايه اللي حامل ازاى دي الحق ياكمال ابنك بيقول ايه

كمال

ده اكيد متغاظ عشان انتي هتجيبي بيبي وينافسه في الشركة والاملاك اللي عندي مش كده ياحمزة

حمزة

وانا هعمل كده ليه يا بابا ده هيبقا اخويا يعني هيبقا قلبي عليه وهخاف عليه هو مش ابنك يابابا

كمال

أصيل ياحمزة يابني طول عمرك انا عارفك

وبعدها بكام يوم سماح فضلت تدلع وتقول

ااه ياني ااه الواد ده تعبني اوي خالص ياكمال انا مش قادرة اتحرك ولا اعمل اي حاجة

كمال

وتتحركي وتعملي ليه ياحبيبتي ماهي سعاد هنا اهيه وتعملك اللي انتي عايزاه في ايه بس

سماح

ماهي بتعمل هي سعاد يعني هتقدر تقولي لا الا صحيح يا ليلي انا شيفاكي ياختي كده لا پتتوجعي من الحمل ولا حاجة زي ايه هو انتي مش بتحسي ولا ايه

رد حمزة وقال لها

وانتي بتسأليها سؤال زي ده ليه يعني يا سماح هو انتي عندك مشكلة انك ليلى مش پتتوجع ولا ايه

لا لا ياحمزة مقصدش طبعا انا بس بقول يعني اصل انا شايفاها بتتحرك ورايحة جايه وانا مش قادرة

حمزة

اصل ليلى لسه صغيرة واكيد يعني السن الصغير بيفرق برضو ولا ايه

سماح

تقصد تقول ايه ياحمزة قصدك يعني اني عجوزة لا ياخويا انا أصغر

من مراتك وصحتي احسن منها بكتير ماشي

ليلى

حمزة مايقصدش حاجة يا سماح

كمال

خلاص بقا هو ايه اللي حصل لده كله ماخلاص ياسماح يلا ياحمزة يابني خود مراتك واطلعو فوق

وعدت الايام وامها كانت عندها وقالت لها

ها يابت ياسماح الخطة ماشية زي ما احنا عايزين يابت اوعي حد يكون قفس الموضوع

سماح

لا ياما كله تمام المهم انتي اتفقتي مع البت الممرضة اللي هتعمل الحكايه اللي قولنا عليها

الام

اطمني كله تمام المهم بس انتي تجهزي المبلغ اللي هي طلبتة منك ماشي عشان اليوم اللي هتعمل فيه الحكايه

سماح

انا مجهزه كل حاجة متقلقيش المهم بس الدنيا تمشي زي ما احنا عايزين كده ومخططين

وبعدها بكام يوم ليلى تعبت وقالت لحمزة

الحقني ياحمزة انا شكلي بولد اااه مش قادرة يا حمزة الحقني

حمزة

انتي هتولدي النهاردة يا ليلي متأكدة هو الدكتور مش كان بيقول ان لسه قدامك اسبوع ايه اللي حصل

ليلى

معرفش ياحمزة اااه مش قادرة وديني المستشفى بسرعه يلا

ونزل حمزة قال لابوه اللي راح معاهم على المستشفى وهناك اتصلت بيه سماح وقالت له

الحقني ياكمال انا شكلي بولد دلوقتي الحقنييي

كمال

بتقولي ايه ياسماح انتي كمان هتولدي ازاى طيب انا جاي اجيبك على المستشفى حالا ياحبيبتي يلا سلام دلوقتي

وفي الوقت ده اتصلت بامها اللي راحت معاها على المستشفى واخدت معاها الممرضة وهناك ليلى اتاخرت في العمليات وسماح ولدت بسرعه وكمال قال

ازاى سماح اللي لسه جاية تولد قبل ليلى

حمزة

انا قلقان على ليلى اوي يابابا.

كمال

اطمن ياحمزة ان شاء الله خير يابني المهم ان سماح ولدت وقالو لي اني مش هاشوف الولد دلوقتي هيودوه الحضانة

وعند سماح في الاو.ضة امها قالت للممرضة

انتي بتقولي ايه يازفتة انتي العيل اللي انتي جبتيه راح ازاى انتي مش قولتي ان صحتة كويسة ايه اللي حصل

الممرضة

انا معرفش والله ياحجة انا عملت زي ما انتي قولتي بالظبط وجبت العيل عشان نقول ان الست سماح ولدت قام راح انا هتصرف ازاى دلوقتي

سماح

مليش دعوة اتصرفي انا عايزة عيل عايش انتي فاهمة دلوقتي كمال هايجي يقولي فين ابني اقوله ايه

الممرضة

طيب انا عندي فكرة دلوقتي مرات ابن جوزك خلفت ولد بس زي القمر وطبعا دخلوه او.ضتة الأطفال ومحدش شافه ودلوقتي مفيش حد ولد في المستشفى غيرك انتي وهي انا هاخد العيل اللي مېت ده احطة مكان ابنهم واجيب لك ابنهم جنبك قولتي ايه

سماح

فكرة حلوه بس اوعي حد يشوفك يابت انتي انتي فاهمة يلا دلوقتي وهما مشغولين مع إللى ماتتسمى هات الواد وتعالي

وفعلا خرجت الممرضه تتسحب ودخلت او.ضتة الأطفال واخدت ابن حمزة وليلى وحطت الولد اللي مېت ورجعت على او,ضتة سماح وقالت لها

اهو ياست سماح عيل انما ايه ولا البدر في تمامه

سماح

خلاص ياختي انتي هتحسديه ولا ايه يلا غوري من هنا واياك اللي حصل ده تتكلمي فيه

الممرضة

طيب فين الحلاوة ياست سماح ولا انا همشي كده من غير حلاوة

الام

اعوزو بالله منك ياشيخة هو انتي مبتشبعيش يابت انتي خودي دول ويلا غوري من هنا

وبعدها مشيت وسماح قالت لها

الحمد لله انها عدت لحد كده

وفي او.ضتة ليلى لما حمزة عرف ان ابنه راح قال لابوه

ازاى بس ابني يروح يابابا ده الدكتور كان ماكد لي انه صحتة كويسة ازاى ده بس وهاقول ايه لليلى لما تفوق من البنج دي الولادة بتاعتها كانت صعبه اوي

كمال.

معلش ياحمزة يابني ربنا يعوض عليك ياحبيبي بقولك ايه يا بني انا هاروح ابص على سماح أصلها كمان ولدت ولد

حمزة

روح يابابا

وراح كمال لسماح وشاف الولد وفرح وقال لها

اسمعي انا مش عايزك تسبيه كده لاي

حد يشيلة اصل ابن حمزة ابني راح انا خاېف على ابني

الام

ايوه الله عندك حق ياكمال بيه ده هما دلوقتي عشان ابنهم راح ممكن يحسدو ابنك ده خلي منه ياسماح

سماح

حاضر ياماما ده ابني واحطة في عنيا متقلقيش عليه محدش هيقدر يبص له ابدا

وبعدها ليلى عرفت واڼهارت وحمزة قال لها

متزعليش ياحبيبتي ان شاء الله ربنا يعوض علينا بولد تاني وتالت انتي لسه صغيرة يا ليلي وان شاء الله ياحبيبتي تعوضية

ليلى بټعيط

ابني ياحمزة ده ملحقتش حتى اشوفه شكله ايه ملحقتش ابـ،ـوسة

ردت امها وابوها وقالو

معلش يا حبيبتي وزي ما حمزة قالك كده ان شاء الله قريب تعوضوة بطفل تاني متزعليش ده ربنا عايز كده

ليلى.

ااه ياني قلبي وجعني اوي يا ماما ااه

وبعدها ليلى رجعت البيـ،ـت وسماح كمان وبقت سماح مهملة في الولد اللي لسه مولود وكمال قال لها

هو انتي ليه ياسماح مش بترضعي الولد زي الأمهات هو انتي مش عايزة ترضعيه ولا ايه

سماح

لا ياحبيبي الدكتور اصلا قالي انه هو عايز يرضع صناعي ومش يرضى طبيعي يعني انا هعمله ايه ياكمال الله

كمال

انا بس عارف ان الستات بترضع طبيعي انتي حتى مش بتشيلي الولد وعلطول سيباه لسعاد تشيله

سماح

والله بقا انا هانم ومليش ياحبيبي في الرضاعة والكلام الفاضي ده وبعدين ابنك الحمد لله صحتة كويسة يبقا خلاص انت قلقان ليه

وعند ليلى كانت سامعه الولد بيعيط وقلبها حن ليه وراحت علي سعاد وهي بتسكت فيه وقالت لها

هو ماله ياسعاد بيعيط اوي كده ليه يمكن عنده مغص ولا ايه.

سعاد

. مش عارفه والله ياست ليلى بس انا بعمله الرضعة اهو اصل الست سماح سابتة وخرجت

ليلى

طيب هاتي كده لما اشيلة يمكن يسكت ورحي انتي حضري له الرضعة يلا روحي

واول لما ليلى شالتة سكت على ايديها وسعاد قالت لها

ياسبحان الله ده انا بقالي يجي ساعه عماله اسكت فيه مش راضي يسكت والله ياست ليلى انت قلبك حنين اصل الطفل بيحس باللي حنين عليه مع اني والله بحبه اوي

ليلى. انا كمان ياسعاد يحبه اوي وقلبي متعلق بيه اوووي حساه زي ابني بالظبط هاتي الرضعة وانا ارضعة هاتي

وفي اللحظة دي دخلت سماح وقالت لها وهي بتزعق

انتي بتعملي ايه هاتي الولد انتي اټجننتي ولا ايه انتي عايزة تمو تيه

ليلى

حرام عليكي ياسماح ايه اللي انتي بتقوليه ده انا برضو هكون عايزة ااذيه ليه يعني ده حتى بحبه

سماح

. ااه ياختي تلاقيكي بقا بتحسديه عشان انا ابني عايش وابنك انتي اللي راح مش كده ابعدي ايدك عنه وإياكي تشلية ابدا انتي فاهمة وانتي يلي اسمك سعاد انتي اياكي تخليها تشيلة انتي سامعه

سعاد

ليه بس ياست سماح دي حتى الست ليلى بتحبه اوي وحنينة عليه

سماح

انا قولت كلمة وإياكي تعملي عكس اللي قولتة والا هتلاقي نفسك في الشارع

فضلت ليلى ټعيط وسعاد قالت لها

متزعليش ياست ليلى دي والله ماتعرف قيمتك دي ربنا ينتقم منها مش حاسه بالنعمة اللي هي فيها

ليلى

ولا يهمك ياسعاد روحي انتي شوفي شغلك عشان متتكلمش معاكي

وفضلت ليلى مڼهارة ولما رجع حمزة ولقي ليلى كده سالها وهي حكت له قال لها

ازاى تعمل معاكي كده هي اټجننت ولا ايه انا هاروح ارميها برة البيـ،ـت ده ولما تحترم نفسها تبقا ترجع

ليلى

لا لا بلاش ياحمزة عشان خاطري ياحبيبي انا مش عايزة يحصل مشاكل بينك وبين عمي بسببي عشان خاطري ارجوك

حمزة

ماشي ياسماح اما وريتك مبقاش انا

وعدت الايام وفي يوم راحت الممرضة لسماح وقالت لسعاد

انا عايزة اقابل الست سماح قولي لها نوال الممرضة

سعاد.

طيب هديها خبر

وراحت سعاد

قالت لسماح اللي اتخضت لما سمعت اسمها وقالت

ودي عايزة ايه دي قولي لها جايه

ونزلت سماح لنوال ووقفت سعاد تسمعهم بيقولو ايه وقالت لها

انتي جايه عايزة يازفته انتي

نوال

انا الصراحة لقيت نفسي عايزة فلوس قولت اجي اخد منك

سماح

انتي اټجننتي ولا ايه يامجنونة امشي اطلعي بره

نوال. حاضر ياست ياسماح بس هاروح لحمزة بيه احكي له كل حاجة واقوله ان العيل اللي معاكي ده يبقا ابنه هو وانتي اصلا مخلفتيش ولا كنتي حامل ولا حاجة

سماح

انتي اټجننتي ولا ايه اكتمي خودي دول وغوري من هنا

نوال

ماشي انا همشي بس كل لما اعوز فلوس هاجي واخد سلام ياست هانم

كل ده سمعته سعاد اللي لطمت وقالت يلهوي انا لازم اقول لحمزة بيه اه يابنت الشياطين ياسماااح

وجريت سعاد وحكت لحمزة اللي راح بسرعه بيـ،ـت نوال وحكت له كل حاجة وقالت له

الست سماح كانت عامله نفسها حامل وكانت بتنام في او,ضه لوحدها عشان كمال بيه مايعرفش حاجة

بعدها اتعصب حمزة وراح بلغ عن سماح وامها وكمال لما عرف قال

لا حول ولا قوة الا بالله بقا كده ده يطلع من الملعۏنة دي حقك عليا ياحمزة انت وليلى خودو ابنكم يابني يتربى في عزكم

بعدها ليلى وحمزة فرحو بالولد وربوه في سعادة

وبكده تكون خلصت حكايتنا

برجك اليومي

مرات ابويا

تعليقان (2)